Servizos
Servizos de tradución para adaptar os teus contidos a cada público
Todos parten do mesmo punto: entender que queres comunicar, a quen e en que contexto. Se non tes claro cal necesitas, cóntamo e axúdoche a decidir.
Solicitar orzamento
Tradución para empresas
Traslado de contidos dunha lingua a outra, respectando o sentido, o ton e o contexto.
Que inclúe
Fidelidade ao sentido do texto orixinal
Adaptación do ton e do rexistro ao público
Revisión final antes da entrega
Linguas de traballo: inglés, galego e castelán; tamén francés e italiano.
Pode axudarche se…
«Necesitamos traducir o catálogo sen que perda a voz da marca.»
Localización de software, aplicacións e webs
Adaptación lingüística e cultural de páxinas web e contidos dixitais para as persoas ás que se dirixen.
Que inclúe
Adaptación de referencias, formatos e convencións
Coherencia entre textos, interface e mensaxes
Revisión do contido no seu contexto final
Respecto de etiquetas, variables e código, tamén en follas de cálculo complexas
Colaboración estable en proxectos de localización continua
Pode axudarche se…
«A web xa está traducida, pero aínda non soa como se fose de aquí.»
Revisión lingüística e corrección de textos
Mellora da corrección, a coherencia, a claridade e o estilo dos textos.
Que inclúe
Corrección ortográfica, gramatical e de puntuación
Coherencia terminolóxica e de estilo
Propostas para gañar claridade
Revisión de traducións feitas por outras persoas e de textos orixinais
Pode axudarche se…
«O informe está escrito; agora falta que se lea ben.»
Transcreación: a mesma intención, adaptada a cada cultura
Adaptación creativa de campañas, eslóganes e mensaxes de marca para que transmitan a mesma intención e o mesmo efecto noutra lingua e noutra cultura.
Que inclúe
Adaptación creativa de claims, eslóganes e textos publicitarios
Propostas alternativas razoadas para cada mensaxe
Coherencia co ton e a personalidade da marca
Pode axudarche se…
«Queremos que a campaña funcione en galego, non que pareza traducida.»
Asesoría cultural e naming de marca
Avaliación de nomes de marca, produtos e mensaxes para que funcionen entre falantes de galego e castelán, sen asociacións non desexadas nin coincidencias con palabras que xa teñen significado nesas linguas.
Que inclúe
Análise de nomes, claims e mensaxes
Detección de connotacións non desexadas
Recomendacións razoadas para cada contexto
Pode axudarche se…
«Funcionará este nome de produto onde o queremos lanzar?»
Tradución xurada inglés-galego
Tradución oficial de documentos de inglés a galego e de galego a inglés, coa miña sinatura e o meu selo de tradutor xurado.
Que inclúe
Tradución completa e fiel do documento orixinal
Certificación coa sinatura e o selo de tradutor xurado
Orzamento e prazo pechados antes de comezar
Habilitación para inglés → galego e galego → inglés.
Pode axudarche se…
«Teño que presentar en galego un certificado que está en inglés.»
Como traballo
Do encargo á entrega: que podes esperar
Cada proxecto é distinto, pero o punto de partida sempre é unha conversa.
Cóntasme o proxecto
Envíasme o texto ou unha descrición do que precisas, o público ao que vai dirixido e os prazos.
Proposta e orzamento
Analizo o encargo e propóñoche o enfoque máis axeitado, cun orzamento e un prazo concretos.
Traballo e entrega
Desenvolvo o traballo, resolvo contigo as dúbidas que xurdan e entrego o resultado revisado.
Preguntas frecuentes
Preguntas frecuentes antes de contratar
Se tes outra dúbida, escríbeme e respóndoche sen compromiso.
Canto custa unha tradución?
Depende da extensión, da combinación de idiomas, do tema e do prazo. Envío un orzamento pechado despois de ver o texto.
Con que idiomas traballas?
De inglés a galego e a castelán, e entre galego e castelán. Tamén francés e italiano.
Traballas con axencias de tradución?
Si, colaboro a diario con axencias, ademais de traballar directamente con empresas.
Fas traducións xuradas?
Si, de inglés a galego e de galego a inglés, como tradutor xurado habilitado. Se necesitas unha tradución xurada entre inglés e castelán, debe facela un tradutor habilitado polo Ministerio de Asuntos Exteriores.
Contacto
Cóntame que necesitas e falamos
Escríbeme cos detalles do teu proxecto e respóndoche cunha proposta adaptada. A consulta non ten ningún compromiso.
Escríbeme